سکھر (نمائندہ جسارت) سکھر کے قریب اے این ایف کا ٹرک پر چھاپا ،کروڑوں روپے مالیت کی بھاری مقدار میں چرس اور آئس نشہ برآمد ، دو ملزمان گرفتار، اے این ایف سکھر کی ایک ٹیم نے خفیہ اطلاع پر سکھر شکارپور روڈ پر کوئٹہ سے سکھر کی طرف آنے والے ایک ہینو ٹرک کو روک کر تلاشی لی اس میں چھپائی گئی 266 کلو سے زائد چرس اور 2 کلو 400 سو گرام آئس نشہ برآمد کرلیا اور دو ملزمان دلدار اور امداد علی کو گرفتار کرلیا۔ اے این ایف حکام کے مطابق برآمد شدہ آئس اور چرس کی مالیت عالمی منڈی میں مالیت کروڑوں روپے ہے ملزمان کے خلاف مقدمہ درج کرکے تفتیش شروع کردی گئی ہے۔
