لاہور (نمائندہ خصوصی) پی ایچ ایف نے آل پاکستان کمشنر گوجرانوالہ گولڈ کپ ہاکی ٹورنامنٹ کے لئے ٹیکنیکل آفیشلزاور ایمپائرز پینل تعینات کردیئے، اولمپین دانش کلیم ٹورنامنٹ ڈائریکٹر اور آرگنائزنگ سیکرٹری لیفٹینٹ کرنل ر آصف ناز کھوکھر ہونگے۔ پاکستان ہاکی فیڈریشن کی زیرنگرانی اور پنجاب ہاکی ایسوسی ایشن کے زیراہتمام آل پاکستان کمشنر گوجرانوالہ گولڈکپ ہاکی ٹورنامنٹ کے ٹیکنیکل آفیشلز اور ایمپائرز پینل کا اعلان کردیا گیا ہے۔ 12تا20 فروری سپورٹس ایرینا گکھڑ(گوجرانوالہ) میں کھیلے جانے والے ایونٹ میں پانچ صوبائی اور پانچ ڈیپارٹمنٹل ٹیمیں شرکت کرہی ہیں۔ اولمپین دانش کلیم ٹورنامنٹ ڈائریکٹر جبکہ رانا لیاقت علی (اٹک) اسسٹنٹ ٹورنامنٹ ڈائریکٹر تعینات کئے گئے ہیں۔ٹیکنیکل آفیشلز پینل میں ایم ہارون سعید(ڈی جی خان)، ایم جاوید صادق (میپکو)، اسلم شاہ(اوکاڑہ)، مرزا جاوید(بہاولنگر)، اکرام الحق(ننکانہ صاحب)، اللہ دتہ (گوجرانوالہ)، رفیق خان(لاہور)، حافظ ارشد(قصور)، اللہ داد(جھنگ)، ثاقب نیاز (شیخوپورہ)، شہزاد چشتی(فیصل آباد)، ظہیراحمد (راولپنڈی)، ملک شفقت حسین(لاہور)، شیخ علی عابد(راولپنڈی) اور منور حسین(لاہور) شامل ہیں ۔ پی ایچ ایف کی جانب سے ایمپائرز مینجر ایف آئی ایچ ایمپائرز مینجر راشد محمود بٹ (ریلویز) کو تعینات کیا گیا ہے۔
