لاہور (جسارت نیوز)صوبائی وزیر کھیل وامور نوجوانان رائے تیمور خان بھٹی نے کہا ہے کہ پی ایس ایل کے 7 ویں ایڈیشن کے انعقاد سے ثابت ہوگیا کہ پاکستان پرامن ملک ہے، کرکٹ ہمارے نوجوانوں کا پسندیدہ کھیل ہے۔ پیر کے روز اپنے ایک بیان میں انہوں نے کہا کہ پی ایس ایل کے 7 ویں ایڈیشن کے لاہور میں ہونیوالے میچز کیلئے بہترین انتظامات کررہے ہیں،شائقین کرکٹ کو اچھی سہولیات فراہم کی جائیں گی۔ پنجاب میں کرکٹ کے نئے گرائونڈ ز بنائے جارہے ہیں جس سے نوجوانو ں کو بہترین سہولیات میسر ہونگی۔ صوبائی وزیر کھیل نے کراچی کنگز کے خلاف کامیابی پر لاہور قلندرز کو مبارکباد دیتے ہوئے کہا کہ لاہور قلندرز کی جیت میں فخر زمان نے اہم کردار ادا کیا،امید ہے پی ایس ایل7 ویں ایڈیشن میں لاہور قلندرزکامیاب ہوگی۔
