کراچی(اسٹاف رپورٹر) ٹیسٹ کرکٹر اظہرعلی کا آسٹریلیا کا دورہ پاکستان کے حوالے سے کہا ہے کہ کوشش ہوگی کہ ہم اچھے میزبان ثابت ہوں۔قومی ٹیسٹ ٹیم کے سابق کپتان اور کرکٹر اظہر علی کا کہنا ہے کہ آسٹریلیا کے خلاف ٹیسٹ سیریز کے لیے بھرپور تیاری کر رہے ہیں اور کوشش ہے کہ جتنی بھی تیاری ہو سکے کریں، اچھی سیریز ہوگی۔اظہر علی کا کہنا ہے کہ خوشی کی بات ہے کہ آسٹریلیا کی ٹیم 24برسوں کے بعد پاکستان کا دورہ کر رہی ہے جبکہ پاکستان کرکٹ کے لیے آسٹریلیا کا دورہ بہت اہم ہے کیونکہ اس کے بعد دیگر ٹیمیں بھی آئیں گی۔ان کا کہنا تھا کہ کوشش ہوگی کہ ہم اچھے میزبان ثابت ہوں اور آسٹریلیا کی ٹیم اچھی یادیں لے کر جائے۔ یہ ٹیسٹ چمپئن شپ کے میچز ہیں، پورا پاکستان آئے گا اور آنا بھی چاہیے۔انہوں نے مزید کہا کہ آسٹریلوی کھلاڑی بھی پاکستان آنے کے لیے پرجوش ہوں گے ۔
