ڈیرہ اسماعیل خان: پنیالہ کے قریب پہاڑ پور روڈ پر دو موٹر سائیکلوں کے تصادم میں تیرگڑھ کا رہائشی پولیس اہلکار اللہ نواززخموں کی تاب نہ لاتے ہوئے جاں بحق جبکہ دیگردو افراد زخمی، زخمیوں کو ٹائپ ڈی ہسپتال پنیالہ منتقل کردیا گیا۔
تفصیلات کے مطابق پنیالہ میں پہاڑپور روڈ پر تیر گڑھ کا رہائشی اور تھانہ شہید نواب پولیس سٹیشن میں تعینات موٹر سائیکل سوارپولیس اہلکار اللہ نواز مخالف سمت سے آنے والے موٹر سائیکل سے ٹکرا گیا حادثے میں پولیس اہلکار اللہ نواز سمیت دیگر 2 افرادبھی زخمی ہوگئے جنہیں فوری طور پر طبی امداد فراہمی کیلئے ٹائپ ڈی ہسپتال پنیالہ منتقل کیا گیا تاہم پولیس اہلکار اللہ نواز سکنہ تیرگڑھ زخموں کی تاب نہ لاتے ہوئے دم توڑ گیا۔
