بیجنگ: وزارت تجارت کے مطابق ڈبلیو ٹی او کے ثالثی ٹریبونل نے چین اور امریکہ کے درمیان ڈبلیو ٹی او کے تنازعہ کے معاملے پر جوابی اقدامات پر ایک فیصلہ جاری کیا جس میں یہ طے پایا گیا کہ ڈبلیو ٹی او کے حکم پر عمل درآمد میں امریکہ کی ناکامی کی وجہ سے چین اشیا کی تجارت کے میدان میں امریکہ پر سالانہ 645 ملین ڈالر کے جوابی اقدامات کر سکتا ہے۔چینی میڈ یا کے مطا بق اس کیس کا کامیاب نتیجہ امریکہ کے غیر قانونی انسداد سبسڈیز اقدامات کو درست کرنے، چینی کاروباری اداروں کے جائز تجارتی مفادات کے تحفظ اور کثیر الجہتی تجارتی نظام کے دفاع کے لیے بہت اہمیت کا حامل ہے۔یہ دوسرا موقع ہے جب چین نے ڈبلیو ٹی او میں امریکہ کے خلاف تجارتی انتقامی کارروائی میں کامیابی حاصل کی ہے۔ اس سے قبل، چین نے امریکی اینٹی ڈمپنگ اقدامات کے خلاف ڈبلیو ٹی او کے تنازعہ کے معاملے میں امریکہ کے خلاف 3.579 بلین امریکی ڈالر کی سالانہ تجارتی جوابی رقم کے حصول کا کیس جیتا تھا۔
