کوئٹہ ،نصیر آباد میں ٹریفک حادثہ ،ایک شخص جاںبحق

کوئٹہ(نمائندہ جسارت)بلوچستان کے علاقے نصیر آباد میں قومی شاہراہ پر ٹریفک حادثے میں ایک شخص جاں بحق جبکہ 4افراد شدید زخمی ہو گئے۔ تفصیلات کے مطابق نصیرآباد کے علاقے پولیس تھانہ صدر ڈیرہ مرادجمالی کی حدود اوچ پاورکے قریب قومی شاہراہ پرٹریکٹر ٹرالی اور مہران کارکے درمیان تصادم ہواجس کے نتیجے میں کار کے سوارایک شخص حاجی شبیراحمد موقع پر ہی جاں بحق ہوگیا جبکہ چار افراد حاجی نواز 2رجب علی 3 بشیر احمد 4 حاجی بشیرشدید زخمی ہوگئے جنہیں اسپتال منتقل کردیا گیا ۔پولیس مزید کارروائی کررہی ہے۔دوسری جانب پشتون آبادکے علاقے عبدالولی چوک پر واقع ایک گھرمیں گیس لیکیج کے نتیجے میں دھماکا ہوا جس کے باعث 3افراد 75سالہ مختار احمد ،17سالہ عبدالخالق اور 15سالہ نوجوان اسامہ جھلس کر زخمی ہوگیا جنہیں فوری طور پر اسپتال منتقل کردیا گیا جہاں انہیں طبی امداد دی جارہی ہے۔