میرپورخاص(نمائندہ جسارت) درگاہ عالیہ بابا سید عبدالمجید شاہ چشتی نظامی فخری سلیمانی میرپورخاص پرسجادہ نشین درگاہ عالیہ محمودیہ نظامیہ سلیمانیہ تونسہ شریف صاحبزادہ محمد نصر المحمود کی ڈیرہ غازی خان سے آمد اور سجادہ نشین درگاہ عالیہ بابا سید عبدالمجید شاہ حضرت عبدالحمید شاہ سے ملاقات اور دربار عالیہ پر حاضری اور فاتحہ خوانی۔ اس موقع پر موجود عمائدین اور عوام سے بات کرتے ہوئے سجادہ نشین درگاہ عالیہ محمودیہ نظامیہ سلیمانیہ تونسہ شریف محمد نصر المحمود نے کہا کہ ہم کو اللہ تبارک و تعالیٰ و قرآن کی دی گئی ہدایات اور حضرت محمد مصطفیﷺ کی سنتوں کے مطابق زندگی گزارنی چاہیے اور اسلام کی سربلندی اور ملک پاکستان کی سلامتی کے لیے دن رات محنت کرنی ہے۔ آخر میں صاحبزادہ سید وجاہت علی شاہ اور سید التمش علی شاہ نے سندھ کی ثقافت اجرک اور ٹوپی کا تحفہ پیش کیا۔
