لاہور( نمائندہ جسارت) مسلم لیگ (ن) کے صدر اور قومی اسمبلی میں اپوزیشن لیڈر شہبازشریف نے کہا ہے کہ نواز شریف ہی ملکی تمام مسائل کا ون ونڈو آپریشن ہے ، عمران نیازی ملک اور عوام کے لیے خطرناک نہیں بلکہ مہلک ترین ثابت ہوئے۔ ایک بیان میں انہوںنے کہا کہ ٹرانسپرنسی رپورٹ پر غور کرنا ہوگا، ایک نااہل شخص کتنا خطرناک ثابت ہوتا ہے، ٹرانسپرنسی انٹرنیشنل کی رپورٹ نظام بیٹھ جانے کا اعلان ہے ، رپورٹ ہمیں قومی سطح پر اصلاح احوال کی دعوت فکر دے رہی ہے، چھپانے سے مسئلہ حل نہیں ہوگا، رپورٹ جھٹلانے کے بجائے گریباں میں جھانکنا اور خود احتسابی درکار ہے، عمران نیازی کے نئے پاکستان میں صرف کرپشن ہوئی، کرپشن میں انہیں پیچھے چھوڑ گئے جن کے خلاف سیاست میں آنے کا دعویٰ کیا تھا، نواز شریف ہی پاکستان کے تمام مسائل کا ون ونڈو آپریشن ہے، عمران نیازی نے کرپشن میں 10 سال کا ریکارڈ توڑ دیا، ٹرانسپرنسی انٹرنیشنل کی رپورٹ ثبوت ہے کہ عمران نیازی کے نئے پاکستان میں صرف کرپشن ہوئی، وہ ملک اور عوام کے لیے خطرناک نہیں بلکہ مہلک ترین ثابت ہوئے۔
