راولپنڈی(مانیٹرنگ ڈیسک) چین نے سی پیک منصوبوں کی سیکورٹی کے لیے اٹھائے جانے والے اقدامات کو قابل ستائش قرار دیتے ہوئے چیف آف آرمی اسٹاف جنرل قمر جاوید باجوہ کا شکریہ ادا کیا ہے۔پاک فوج کے شعبہ تعلقاتِ عامہ (آئی ایس پی آر) کی جانب سے جاری اعلامیے کے مطابق چین کے سفیر نونگ پونگ نے جی ایچ کیو میں جنرل قمر جاوید باجوہ سے ملاقات کی جس میں علاقائی سیکورٹی صورتحال، باہمی تعاون بڑھانے اور سی پیک پر تفصیلی تبادلہ خیال کیا گیا۔چین کے سفیر نے سی پیک منصوبوں پر پیشرفت اور بروقت تکمیل پر اطمینان کا اظہار بھی کیا۔اس موقع پر جنرل جاوید نے کہا کہ پاکستان علاقائی امن کے لیے عالمی اتحادیوں کے ساتھ تعاون کے لیے پْرعزم ہے۔
