لاہور (نمائندہ جسارت) مسلم لیگ ن لیگ کی نائب صدر مریم نواز نے اپنے والد نواز شریف کی یاد سے متعلق تیار کیے گئے ٹرک آرٹ کو سوشل میڈیا پر شیئر کرتے ہوئے کہا ہے کہ واپس آجائیں آپ کی ضرورت ہے ۔ سماجی رابطوں کی ویب سائٹ ٹوئٹر پر مریم نواز نے ایک ٹرک آرٹ کو شیئر کرتے ہوئے سرائیکی گانے کے لفظوں کو بطور کیپشن درج کرتے ہوئے والد کو پیغام دیا۔ ’پچھاں مْڑ وے ڈھولا تیری لوڑ پے گئی‘ ۔مریم نواز نے اسی گانے کوٹوئٹ میں بھی درج کیا جس کے اردو معنی یہ ہیں کہ واپس آجائیں اب آپ کی ضرورت پیش آگئی ہے۔
