لاڑکانہ(نمائندہ جسارت) تھانہ مارکیٹ کی حدود گورنمنٹ گرلز کالج کے قریب پوسٹ آفس روڈ پر 45 سالہ نشے کے عادی شخص کی اپنا گلا کاٹ کر خودکشی کی کوشش۔ اطلاع پر پولیس نے چانڈکا اسپتال منتقل کیا جہاں ڈاکٹروں نے حالت تشویش ناک بتاتے ہوئے انہیں طبی امداد دی، پولیس کے مطابق ابتدائی تفتیش کے دوران علاقہ مکینوں نے بتایا کہ نشے کے عادی شخص نے اپنا گلا خود کاٹ کر خودکشی کی کوشش کی ہے تاہم اس کے باوجود مزید تفتیش کررہے ہیں ،جلد اصل حقائق سامنے آجائیں گے۔
