کراچی (اسٹاف رپورٹر) اپ سٹی ون ہاکی ٹیم کراچی کا قیام، ٹاپ سٹی ون اورکراچی ہاکی ایسوسی ایشن کے درمیان معاہدہ طے پاگیا، سائٹ آفس ٹاپ سٹی ون اسلام آباد میں ایک پروقار تقریب میں صوبائی وزیر سندھ برائے بہبود خواتین و چیئرپرسن سندھ ہاکی سیدہ شہلا رضا اور سی ای او ٹاپ سٹی ون برگیڈیئر رسکندر خان نے ٹاپ سٹی ون ہاکی ٹیم کراچی کے قیام کے معاہدہ پر دستخط کیے، اس موقع ہر سیکرٹری کراچی ہاکی ایسوسی ایشن حیدر حسین بھی موجود تھے۔ برگیڈٰیئررسکندر خان نے اس موقع پر کہا کہ ٹاپ سٹی ون نے ہمیشہ کھلاڑیوں کی فلاح بہبود اور کھیل کی ترقی کے لئے اپنی خدمات سرانجام دی ہیں۔ انہوں نے کہا کہ ٹاپ سٹی ون پراجیکٹ نے ہمیشہ کھلاڑیوں کواپنی صلاحیتوں کے بھرپور اظہار کے مواقع فراہم کئے ہیں خواہ وہ صحرائی ریلی کا موقع ہو یا کو پیمائی، ٹاپ سٹی ون نے ہمیشہ کھیل اور کھلاڑی کی فلاح و بہبود میں بڑھ چڑھ کر حصہ لیا ہے۔ انہوں نے کہا کہ ٹاپ سٹی ون کے ایک درجن سے زائد اسپورٹس ایمبیسڈرز نے دنیائے اسپورٹس میں اپنے فن کا لوہا منوایا اور سبز ہلالی پرچم کی سربلندی میں اپنا کردار ادا کیا۔ انہوں نے کہا کہ ٹاپ سٹی ون کے لئے قابل فخر و انسباط ہے کہ سعید خان آفریدی،بلال محسود اور نادر بلوچ جیسے کھلاڑی ٹاپ سٹی ون کے لئے قابل فخر ہیں جنہوں نے مارشل آرٹس اور باکسنگ کے میدانوں میں پاکستان کا پرچم اقوام عالم میں لہرایا۔ سیدہ شہلا رضا نے اس موقع پر کہا کہ ٹاپ سٹی ون کی جانب سے قومی کھیل کی ترویج و ترقی کے لئے ٹاپ سٹی ون ہاکی ٹیم کراچی کے قیام کا اقدام ہاکی کے لئے اہم موڑ ثابت ہوگا۔ کراچی ہاکی ایسوسی ایشن کی طرح باقی ایسوسی ایشنوں کو بھی ہاکی کی بہتری کے لئے ایسے اقدامات لینے چاہیئں۔ میں سیکرٹری کے ایچ اے حیدر حسین کی ہاکی میں خدمات کو سراہتی ہوں۔ موقع پر چیف ایگزیکٹو آفیسر ٹاپ سٹی ون کنور معیظ خان، سیلز اینڈ مارکیٹنگ کے سربراہ عاطف سید، ڈائریکٹر غلام یٰسین، چیف فنانس آفیسر عدیل، سائٹ ایڈمنسٹریٹر برگیڈیئر ر حامد خان، سیکرٹری جنرل پاکستان باڈی بلڈنگ فیڈریشن سہیل انور بھی موجود تھے۔
