راولپنڈی: وفاقی وزیر داخلہ شیخ رشید کا کہنا ہے کہ اوپزیشن جتنی مرضی کوشش کر لے کچھ نہیں ہونے والا۔
میڈیا سے گفتگو کرتے ہوئے وزیر داخلہ شیخ رشید نے کہا کہ ہماری سیاست لوگوں کی فلاح کے لیے ہے، نقصان کے لیے پہنچانے کے لیے نہیں، شہبازشریف عمران خان کے لیے ڈراونا نہیں سہانا خواب ہیں، ان کو ناکامی کا منہ دیکھنا پڑے گا۔
شیخ رشید نے کہا کہ اپوزیشن جتنی مرضی کوشش کریں کچھ نہیں ہونے والا، یہ بزدلوں کا گروہ ہے جو پیسہ بنانے کیلئے سیاست کرتےہیں، ان کے نصیب میں پیسے نہیں، سیاست میں چاروں شریف مائنس ہیں۔
وزیر داخلہ نے کہا کہ باتیں کرنے والے سارے چھانگا مانگا کی پیدوار ہیں، دنیا میں ایسا سیاستدان نہیں دیکھا جو حکومت گرانے سے زیادہ لندن بھاگنے پر محنت کرے۔
انہوں نے کہا کہ وزیراعظم نے کہا کہ3مہینے حکومت کیلئے بہت اہم ہیں، ان ہاوس تبدیلی خواب ہے۔
