پی ٹی آئی کا سیاسی جنازہ دھوم دھام سے نکلے گا، حمزہ شہباز

لاہور (آن لائن) مسلم لیگ (ن) کے رہنما اور پنجاب اسمبلی میں قائد حزب اختلاف حمزہ شہباز نے کہا ہے کہ پی ٹی آئی کا سیاسی جنازہ دھوم دھام سے نکلے گا، پنجاب میں کرپشن بلندیوں کو چھو رہی ہے، حکومت سے جلد چھٹکارا حاصل کریں گے۔ عدالت کے باہر میڈیا سے گفتگوکرتے ہوئے حمزہ شہباز کا کہنا تھا کہ معیشت سسکیاں لے رہی ہے،لوگ مہنگائی کے عذاب میں پس چکے ہیں، بجلی کی قیمتیں ایک بار پھر بڑھا دی گئی ہیں۔ پیٹرولیم مصنوعات کی قیمتوں میں دوبارہ اضافہ ہونے جا رہا ہے، مزدور، نوکری پیشہ اور سب لوگ دہائیاں دے رہے ہیں، ایوان میں دیگر
سیاسی جماعتوں کے ساتھ مل کر تبدیلی لے کر آ یں گے،اس حکومت سے جلد چھٹکارا حاصل کریں گے، عمران نیازی اپنی آنکھوں کی پٹیاں کھولو اوربنی گالاکی پہاڑی سے نیچے اترو، 22 کروڑعوام بنی گالا کے محل میں نہیں رہ سکتے،تحریک انصاف کی پارلیمانی پارٹی کے اجلاس میں کیا تماشہ لگا۔ حمزہ شہباز نے کہا کہ سر پکڑ کر بیٹھے ہیں کہ اس نااہلی اور نالائقی کا کیا بندوبست کیا جائے، 2 روز قبل عمران نیازی نے کہا مہنگائی ہے تو حکومت کیا کرے۔