برطانوی پارلیمان میں چینی جاسوس کے روابط کا انکشاف

لندن (انٹرنیشنل ڈیسک) برطانوی خفیہ ایجنسی ایم آئی 5 نے انتباہ جاری کیا ہے کہ مبینہ چینی ایجنٹ برطانیہ کی سیاست میں مداخلت کے لیے ارکان پارلیمان سے رابطے میں ہے۔ کرسٹین چنگ لی نے چینی کمیونسٹ پارٹی کے ایما پر ارکان پارلیمان کو عطیات دیے۔ لیبر پارٹی کے رکن بیری گارڈنر کو 5 برس کے دوران 4 لاکھ 20 ہزار پاؤنڈ سے زیادہ عطیات دیے گئے ۔ لبرل ڈیموکریٹ رہنما سر ایڈ ڈیوی کو بھی 5 ہزارپاؤنڈ کا عطیہ اس وقت ملا جب وہ توانائی کے وزیر تھے۔