ٹھٹھہ(نمائندہ جسارت) بیروزگاری سے تنگ آکر نوجوان نے پیٹرول چھڑک کر خود کو آگ لگالی، زخمی نوجوان سول اسپتال مکلی منتقل ۔ٹھٹھہ کے قریب فقیر گوٹھ میں نوجوان عباس چوہان نے بیروزگاری سے تنگ آ کر مٹی کا تیل چھڑک کر خود کو آگ لگالی زخمی نوجوان کو فوری طور سول اسپتال مکلی پہنچایا گیا جہاں نوجوان کی حالت تشویشناک بتائی جاتی ہے، ڈاکٹروں کے مطابق عباس چوہان کا جسم 70 فیصد جل گیا ہے،اہل خانہ کے مطابق نوجوان کئی دنوں سے بیروزگار اور بہت پریشان رہتا تھا۔ دوسری جانب صحافیوں کے بچے کتے کو بچاتے ہوئے موٹر سائیکل سلپ ہونے سے زخمی ۔صحافیوں ثمر بیگ اور حسن بیگ کے بیٹے قمبر حسن اور شنسب حسن موٹر سائیکل پر مکلی سوسائٹی جا رہے تھے کہ سامنے سے آنے والے کتے کو بچاتے ہوئے موٹر سائیکل سلپ ہوگئی جس سے صحافی ثمر بیگ کا نوجوان بیٹے شنسب حسن کو زیادہ چوٹیں آئی جبکہ صحافی حسن بیگ کے بیٹے قمبر حسن کو بھی معمولی چوٹیں لگیں، زخمیوں کو سول اسپتال مکلی پہنچایا گیا ۔
