لاڑکانہ(نمائندہ جسارت) ایس ایس پی لاڑکانہ عمران قریشی کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے قتل جیسے سنگین نوعیت کے مقدمات میں مطلوب3 ملزمان کو گرفتار کرکے اسلحہ، منشیات اور چوری شدہ موٹرسائیکل برآمد کرلی۔ رتوڈیرو پولیس نے بابر گھانگھرو قتل مقدمے کے مرکزی ملزم ساجد گھانگھرو کو پستول اور گولیوں سمیت، حیدری پولیس نے ذوالفقار باغ سے ملزم فتاح ملانو کو شراب سمیت اور باڈہ پولیس نے موئن جو دڑو روڈ سے ملزم اعظم ماچھی کو بھنگ سمیت گرفتار کرکے مقدمہ درج کرلیا ہے۔ دوسری جانب دڑی پولیس نے شہری محمد اعظم شیخ کی چوری شدہ موٹرسائیکل برآمد کرکے اصل مالک کے حوالے کردی ہے۔
