پشاور:پشاور سمیت صوبے بھرکے میدانی علاقوں میں تعلیمی ادارے کل سے کھل جائینگے ۔ موسم سرما کی تعطیلات بارہ جنوری تک صوبائی حکومت کی جانب سے دی گئی تھی اور 13جنوری سے سرکاری اور غیر سرکاری ادارے کھل جائینگے ۔
سرکاری اور غیر سرکاری تعلیمی ادارے ، یونیورسٹیاں ، کالجز کے 13جنوری سے کھولنے کے حوالے سے صفائی کا کام بھی شروع کردیا گیا ہے جبکہ دیگر عملے کوبارہ جنوری سے آنے کی ہدایات کی گئی ہیں ۔ جاری حالیہ بارشوں کے باعث بعض سرکاری اور غیر سرکاری خستہ حال سکولوں کے حالت بھی ابتر ہو چکی ہے اور بعض کی چھتیں بھی پانی سے متاثر ہو چکی ہیں ۔
