آخری سیاح کے باحفاظت نکلنے تک مری میں موجود رہینگے، شہباز گل

اسلام آباد (اے پی پی) وزیراعظم کے معاون خصوصی برائے سیاسی ابلاغ ڈاکٹر شہباز گل نے کہا ہے کہ ضلعی انتظامیہ، پولیس اور آرمی کے جوان ریسکیو آپریشن میں مسلسل مصروف ہیں، مین شاہراہوں سے کرینوں اور بھاری مشینری سے برف ہٹائی جا رہی ہے، حالت بہتر، ٹریفک رواں ہے، آخری سیاح کے بحفاظت نکلنے تک میں اور تمام انتظامیہ مری میں ہی موجود رہیں گے، وزیراعظم عمران خان اور وزیراعلیٰ پنجاب انتظامیہ سے مسلسل رابطے میں ہیں۔ اتوار کو اپنے ایک بیان میں انہوں نے کہا کہ وہ ضلعی انتظامیہ اور پولیس کے ساتھ مری جھیکا گلی میں موجود ہیں اور ریسکیو آپریشن کی نگرانی کر رہے ہیں، آر پی او، سی پی او، کمشنر، ڈپٹی کمشنر راولپنڈی اور ریسکیو حکام بھی موقع پر موجود ہیں۔ انہوں نے کہا کہ بجلی کے نظام کو بحال کرنے پر کام ہو رہا ہے، کچھ علاقوں میں بجلی کی سپلائی ابھی متاثر ہے۔
شہباز گل