لاڑکانہ(نمائندہ جسارت) لاڑکانہ شہر اور گرد و نواح میں وقفے وقفے سے بارش کا سلسلہ تیسرے روز بھی جاری رہا جس کے باعث ٹھنڈ میں مزید اضافہ ہوگیا اور شہری گھروں تک محدود ہوگئے جبکہ سرکاری و نجی دفاتر اور اسکولوں میں بھی حاضری کم رہی، دوران بارش سیپکو کی جانب سے شہر کے اکثر علاقوں میں بجلی کی فراہمی معطل کردی گئی اور شہر کے اہم سڑکوں پر بارش کا پانی تالاب کی صورت اختیار کرگیا جسے نکالنے کے لیے میونسپل انتظامیہ کی جانب سے کوئی بھی انتظامات نہیں کیے گئے جس کے باعث شہریوں کو شدید مشکلات کا سامنا کرنا پڑا، محکمہ موسمیات کے مطابق لاڑکانہ اور گرد و نوح میں 10 ملی میٹر بارش ریکارڈ کرتے ہوئے آج ہفتے کے روز بھی وقفے وقفے سے بارش کی پشن گوئی کردی گئی ہے۔
