پشاور(جسارت نیوز) نئی کٹ کی رونمائی پر زلمی سپر اسٹارز وہاب ریاض، شعیب ملک ، کامران اکمل ، عثمان قادر پرجوش، زلمی کٹ کو پشاور شہر اور مارخور کے نام کردیا گیا۔ یہ بات جاوید آفریدی ، چیرمین پشاور زلمی نے کہی۔ 27 جنوری سے شروع ہونیوالے پاکستان سپر لیگ کے7ویںایڈیشن کے لیے پشاور زلمی کی کٹ لانچ کردی گئی۔ زلمی کٹ کو پشاور شہر اور مارخور کے نام کیا گیا ہے۔ پھولوں کے شہر پشاور کے روایتی ڈیزائن کو کٹ میں شامل کیا گیا ہے اس کے ساتھ پشاور اور خیبر پختونخواہ مقامات اسلامیہ کالج، گھنٹہ گھر پشاور، درہ خیبر اور کے ٹو کو نمایاں گیا ہے. پاکستان کے قومی جانور مارخور کو بھی شرٹ پر نمایاں کیا گیا ہے۔پشاور زلمی کے چیرمین جاوید آفریدی نے کہا کہ کٹ کو پشاور شہر کے نام کیا گیا ہے۔ پی ایس ایل 8 میں زلمی اپنے میچز ارباب نیاز اسٹیڈیم میں اپنے پرجوش فینز کے سامنے کھیلے گی۔
