اسلام آباد(آئی این پی )پنجاب حکومت نے سابق وزیراعظم نواز شریف، ان کی صاحبزادی مریم نواز کو صحت انصاف کار ڈ کا اہل قرار دیدیا۔پنجاب حکومت نے یونیورسل ہیلتھ انشورنس پروگرام میں وزیراعظم عمران خان اور وزیراعلیٰ پنجاب عثمان بزدار کو بھی صحت انصاف کارڈ کا اہل قرار دیا ہے۔ صحت انصاف کارڈ کی اہلیت کے حوالے سے ٹال فری نمبر 8500سے باقاعدہ تصدیق کی جاسکتی ہے۔ٹال فری نمبر کے مطابق ن لیگ کے قائد اور سابق وزیراعظم نواز شریف بمعہ ایک فرد کے صحت کارڈ کے لیے اہل ہیں۔وزیراعظم عمران خان بطور خاندان کے سربراہ بمع 2 افراد کے صحت کارڈ کے لیے اہل ہیں۔ٹال فری نمبر کے مطابق وزیراعلیٰ پنجاب عثمان بزدار بھی اہل ہیں، انہیں بمعہ 4 افراد کے صحت کارڈ کے لیے اہل قرار دیا گیا ہے۔ن لیگی نائب صدر اور سابق وزیراعظم نواز شریف کی صاحبزادی مریم نواز 3افراد سمیت خیبرپختونخوا میں صحت کارڈ کے لیے اہل ہیں۔
