لاڑکانہ(نمائندہ جسارت) جیکب آباد شہر کے موچی بستی میں مبینہ سیاہ کاری کے الزام میں 2 بچوں کی والدہ خاتون گل ناز زوجہ بہادر لاشاری کو شوہر کے چچا نے فائرنگ کرکے شدید زخمی کردیا۔ اطلاع پر تھانے کی پولیس نے ملزم کو گرفتار کرنے کے بعد زخمی خاتون کو تشویش ناک حالت میں چانڈکا اسپتال منتقل کیا، جہاں ان کی حالت تشویشناک بتائی جاتی ہے، اس موقع پر زخمی خاتون کے ورثا نے بتایا کہ گل ناز کو اس کے شوہر بہادر لاشاری کے چچا علی بحر لاشاری نے سیاہ کاری کا جھوٹا الزام لگاکر فائرنگ کرکے قتل کرنے کی کوشش کی، انہوں نے مطالبہ کیا کہ فائرنگ میں ملوث ملزم کے خلاف مقدمہ درج کرکے انصاف فراہم کیا جائے۔
