’’مطلب بلاول نے زندگی بھر شادی نہ کرنیکا فیصلہ کر لیا‘‘شہبازگل

لاہور (آن لائن) وزیراعظم کے معاون خصوصی ڈاکٹر شہباز گل نے منظور وسان کی پیشگوئی پر رد عمل دیتے ہوئے کہا ہے کہ مطلب بلاول نے زندگی بھر شادی نہ کرنے کا فیصلہ کر لیا۔ شہبازگل نے کہا کہ شادی بلاول زرداری کا ذاتی معاملہ ہے لیکن منظور وسان نے باقاعدہ اعلان کردیا ہے تو اب اس پر بات تو ہوگی۔ سیاسی پیشگوئیوں کے لیے شہرت رکھنے والے پیپلزپارٹی کے رہنما منظور وسان نے کہا کہ بلاول پہلے وزیراعظم بنیں گے، پھر دلہا بنیں گے، بلاول کی شادی وزیراعظم بننے کے بعد2022ء یا 2023ء میں ہوگی۔ فضل الرحمن سے متعلق انہوں نے کہا کہ مولانا کو جو ملنا تھا وہ مل گیا، اب ہماری اور (ن) لیگ کی باری ہے۔ عمران خان سے متعلق پیشگوئی کرتے ہوئے منظور وسان نے کہا کہ ان کا مستقبل تاریک ہے۔