کراچی: پیپلز پارٹی کے رہنما منظوروسان کا کہنا ہے کہ بلاول زرداری پہلے وزیراعظم پھر دولہا بنیں گے، بلاول زرداری کی شادی 2023 میں ہوگی۔
منظوروسان نے میڈیا سے گفتگو کرتے ہوئے کہا کہ سال 2022 کو خطرناک دیکھ رہا ہوں، عمران خان کا مستقبل اچھا نظر نہیں آرہا، مارچ سے پہلے نواز شریف کو آتا نہیں دیکھ رہا، مولانا کو جو ملنا تھا مل گیا، اب ہماری باری ہے۔
پی پی رہنما کا کہنا تھا کہ وفاقی حکومت سندھ میں کھاد کا بحران پیدا کررہی ہے، وفاق سندھ میں کھاد کی قلت پیدا کرنا چاہتا ہے، وفاقی وزیر برائے توانائی حماد اظہر نے سندھ کو ڈیڑھ لاکھ ٹن کھاد کم دی ہے، ہمارا کوٹہ کم کرکے اسمگل کیا جارہا ہے، سندھ کا کوٹہ باہر جانے سے روکنے کے لیے چیک پوسٹیں قائم کی ہیں۔
