لاڑکانہ(نمائندہ جسارت) پولیس نے سماجی برائیوں کے خلاف کارروائیوں کے نتیجے میں جوا کے اڈے پر چھاپا مار کر 10 جواریوں کو گرفتار کرکے نقدی برآمد اور مقدمہ درج کرلیا ۔ ولید پولیس نے نیو بس ٹرمینل پر 10 جواریوں غلام عمر، صلاح الدین، گل زمان، بلاول، علی جان، اکرم، سجاد، عزیز، حیدر اور نظام الدین کو گرفتار کرکے نقدی برآمد کرلی جبکہ سرکار کی جانب سے اے ایس آئی صفدر علی لغاری کی مدعیت میں تمام جواریوں کے خلاف مقدمہ 154/21 زیر دفعہ 5 جوا ایکٹ تحت درج کر لیا گیا ہے۔
