لاڑکانہ ،نویں جماعت کے سالانہ نتائج کا اعلان کر دیا گیا

لاڑکانہ(نمائند ہ جسارت) تعلیمی بورڈ لاڑکانہ کی جانب سے نویں جماعت کے سالانہ نتائج کا اعلان کردیا گیا ہے، کنٹرولر تعلیمی بورڈ لاڑکانہ فخرالدین کے مطابق نویں جماعت کے سالانہ امتحانات میں لاڑکانہ، قمبر شہدادکوٹ، شکارپور، جیکب آباد، کشمور کندھ کوٹ سمیت دادو ضلع کی 2 تحصیلیوں خیرپور ناتھن شاہ اور میہڑ سے تعلق رکھنے والے 49410 امیدواروں نے حصہ لیا، جن میں 43481 پاس اور 1351 امیدوار فیل ہوئے، اسی طرح نویں جماعت کے سائنس گروپ میں مجموعی طور پر 47934 امیدواروں نے حصہ لیا جن میں 42346 پاس، 1302 فیل ہوئے جبکہ 185 امیدواروں کے نتائج نامکمل کاغذات اور امتحانی فیس جمع نہ کروانے کے باعث روک دیے گئے ہیں، نویں جماعت کے جنرل گروپ میں 1476 امیدواروں نے حصہ لیا جن میں 1135 امیدوار پاس اور 49 فیل ہوئے جبکہ 21 امیدواروں کو کاپی کیس اور 211 امیدواروں کے نتائج نامکمل کاغذات اور فیس جمع نہ کروانے کے باعث روک دیے گئے ہیں۔