لاہور میں خیمے گاڑ کر بیٹھوں گا اور مخالفین کا مقابلہ کروں گا،زرداری

ٹنڈو الہیار(نمائندہ جسارت) پاکستان پیپلزپارٹی کے شریک چیئرمین آصف علی زرداری نے کہا ہے کہ لاہور میں خیمے گاڑ کر بیٹھوں گا اور مخالفین کا مقابلہ کرونگا ٹنڈوالہیار میں رہنماؤں و کارکنان سے خطاب کرتے ہوئے ان کا کہنا تھا کہ زمانے کو آگے لے کر چلنا ہے، عوام نے بھی وہ کام نہیں سوچیں ہوںگے جو پی پی نے پہلے سوچے اور پھر کرکے بھی دکھائے زرداری نے کہا
کہ یہ وعدہ ضرور کرتا ہوں کہ غریبوں کا کبھی ساتھ نہیں چھوڑوںگا، ہمیشہ غریبوں کے ساتھ کھڑا رہوںگا،آئندہ نسل بلاول اور آصفہ کی قیادت میں عوامی علاقوں میں کام کرتی رہے گی۔پی پی شریک چیئرمین نے یہ بھی کہا کہ وفاقی حکومت اور ہمارے درمیان کچھ مسائل ہیں جو چلتے رہیں گے،پورے پاکستان اور لاہور جارہا ہوں، جب تک ان کا وہاں مقابلہ نہیں کریں گے تو یہ رکیں گے نہیں۔انہوں نے ملک کو نانی کا ویہڑا سمجھ رکھا ہے ،جو کبھی ایک کو بٹھاتے ہیں تو کبھی دوسرے کو، حقیقت میں ہیں وہی۔آصف زرداری نے مزید کہا کہ آئندہ ان کا مقابلہ کریں گے اور عوام کی ان کے ساتھ جنگ ہوگی جس میں فتح عوام کی ہوگی۔