کراچی ( اسٹاف رپورٹر ) ڈسٹرکٹ ایسٹ کے بعد کراچی سائوتھ نے بھی یوم جناح آل کراچی ٹاپ سٹی ون انٹر ڈسٹرکٹ ہاکی ٹورنامنٹ کے سیمی فاسئنل میں رسائی حاصل کر لی، باقی2 ٹیموں کا فیصلہ آج ہوگا۔ ٹورنامنٹ کے9ویں روز ساؤتھ نے سینٹرل کو 2-5 سے جبکہ ڈسٹرکٹ ویسٹ نے ایسٹ کو دلچسپ مقابلے کے بعد 2-3 سے شکست دیدی، مہمان خاص نے میچ کے بہترین کھلاڑیوں کو ٹاپ سٹی ون مین اف دی میچ ایوارڈ سے نوازا۔ کراچی ہاکی ایسوسی ایشن کے زیر انتظام بھٹائی رینجرز سندھ 72 ونگ کے اشتراک اور ٹاپ سٹی ون کے تعاون سے کے ایچ اے اسپورٹس کمپلیکس گلشن اقبال میں یوم جناح آل کراچی ٹاپ سٹی ون انٹر کلب ہاکی ٹورنامنٹ9ویں روز کھیلے جانے والے پہلے میچ میں ڈسٹرکٹ ساؤتھ نے ڈسٹرکٹ سینٹرل کو 2کے مقابلے میں 5 گول سے شکست دیکر سیمی فائنل میں رسائی حاصل کرلی۔ گروپ اے کی دوسری ٹیم کا فیصلہ کور 5اور ڈسٹرکٹ کیماڑی کے درمیان کھیلے جانے والے آج کے میچ میں ہوگا۔
