پاکستان اور چین کی تیرہ سال کی کوششوں کے بعد بالآخر پاک چین بائیو ہیلتھ ایگریکلچر ڈیموسٹریشن پارک کا افتتاح کر دیا گیا، ڈیموسٹریشن پارک زمین کے ایک محدود حصے سے زیادہ ہے،یہ سائنسی تحقیق، ہنر کی نشوونما، بین الاقوامی تبادلے اور ٹیکنالوجی کی منتقلی میں پاک چین تعاون کو سہولت فراہم کرتا ہے۔ یہ بات چین کی نارتھ ویسٹ اے اینڈ ایف یونیورسٹی کے پروفیسر ژانگ لی سن نے چائنا اکنامک نیٹ کوپینل انٹرویو کہی۔چائنا اکنامک نیٹ کے مطابق پینل انٹرویو میں پاک چائنا بائیو ہیلتھ کوآپریشن پراجیکٹ کے اعزازی چیئرمین پروفیسر ڈاکٹر محمد اشرف، پاکستان سائنس فاؤنڈیشن کے سابق چیئرمین اور یونیورسٹی آف لاہور کے وائس چانسلر اور کئی دیگر نامور پاکستانی پروفیسرز، بزنس لیڈرز اور چین میں زیر تعلیم پی ایچ ڈی طلباء نے بھی شرکت کی۔ ”بائیو ہیلتھ ایگریکلچر کا تصور پروفیسر ژانگ لی سن نے 2017 میں بیلٹ اینڈ روڈ بائیو ہیلتھ پر پہلے بین الاقوامی سمپوزیم میں پیش کیا تھا۔ اس سے مراد زرعی پیداوار کا ایک جدید طریقہ ہے جو جدید بائیو ٹیکنالوجی اور عمل کو استعمال کرتا ہے اور اس کا اطلاق فصلوں کی کاشت، لائیو سٹاک، دیہی سیاحت، فارم پرودیوس وغیرہ پر کیا جا سکتا ہے۔ اس کے بعد، سلک روڈ بائیو ہیلتھ ایگریکلچرل انڈسٹری الائنس اور چائنا پاکستان ایگریکلچرل بائیولوجیکل ریسورسز ریسرچ سینٹر کو محفوظ اور سبز با ئیو ہیلتھ زرعی پیداوار فراہم کرنے کے لیے تشکیل دیا گیا۔ بیلٹ اینڈ روڈ بائیو ہیلتھ پر حالیہ تیسرے بین الاقوامی سمپوزیم میں 54 پاکستانی سائنسدانوں نے شرکت کی۔ پروفیسر ژانگ نے چائنہ اکنامک نیٹ کو بتایا کہ ڈیموسٹریشن پارک زمین کے ایک محدود حصے سے زیادہ ہے۔ بلکہ، یہ ایک ایسا پلیٹ فارم ہے جو سائنسی تحقیق، ہنر کی نشوونما، بین الاقوامی تبادلے اور ٹیکنالوجی کی منتقلی میں پاک چین تعاون کو سہولت فراہم کرتا ہے۔چائنا اکنامک نیٹ کے مطابق نارتھ ویسٹ اے اینڈ ایف یونیورسٹی میں اور فی الحال نانجنگ ایگریکلچر یونیورسٹی کی باٹنی میں پوسٹ ڈاکٹریٹ کی امیدوار ناہیدہ بیگم نے کہا پاکستان میں زرعی شعبے کو پانی کے ذخائر کی کمی، ٹیکنالوجی اور تخلیقی کمی، اور بیجوں کا کم معیار جیسے بڑے چیلنجز کا سامنا ہے۔ لہٰذا، بائیو ہیلتھ ایگریکلچر پریکٹس کو فروغ دیا جانا چاہیے، کیونکہ یہ نہ صرف پاکستان کی فوڈ سیکیورٹی کو سپورٹ کریں گے بلکہ چین اور دیگر ممالک کو ایکسپورٹ کرنے میں بھی مدد کریں گے۔ لاہور، فیصل آباد اور بہاؤالدین زکریا یونیورسٹی میں ڈیموسٹریشن قائم کر دی گئی ہیں۔ مکئی، گندم، مرچ، گاجر، اور پالک جیسے کھانے کی مختلف اقسام زیرِ تحقیق ہیں۔ نینو اور گوبر کھادیں متعارف کرائی گئی ہیں۔ مثال کے طور پر، گندم کی نئی قسمیں جو چینی اور پاکستانی افزائش کو یکجا کرتی ہیں اور پیداوار میں 2.7 فیصد سالانہ اضافہ کرنے کی صلاحیت رکھتی ہیں، پنجاب میں مجموعی طور پر 3 فیصد ہیں۔ پروفیسر ڈاکٹر محمد اشرف نے کہا کہ کسان ہماری ٹیکنالوجی سے متاثر ہیں۔ مثال کے طور پر، ایک نجی کمپنی نے ”زیرو ٹلیج ٹیکنالوجی” کو فروغ دینے میں دلچسپ نتائج دیے ہیں۔ ”ہماری زیرو ٹلیج ٹیکنالوجی کے ساتھ، فصلیں بغیر کسی رکاوٹ والی زمین پر لگائی جا سکتی ہیں۔ متعدد فصلوں کے نظام اور گردش کی مدد سے ہ مٹی میں ماحولیاتی نظام کی بنیادی حالت کو برقرار رکھ سکتا ہے، جو بڑی مقدار میں با ئیوماس اور مائکروجنزم جمع کرتا ہے”، پروفیسر ڈاکٹر محمد اشرف نے سی ای این کو بتا یا کہ ہم نے اس ٹیکنالوجی کا 2 سال تک تجربہ کیا۔ ابتدائی مرحلے میں، روایتی طریقہ کار سے کوئی فرق نہیں تھا۔ لیکن بعد میں، مٹی کی حالت کو محفوظ رکھنے میں اس کا اثر ظاہر ہوا۔ فی الحال، تین پاکستانی طالب علم اپنی تعمیر کے لیے پرعزم ہیں۔ پروفیسر ژانگ نے کہا کہ مستقبل قریب میں مزید چینی اور پاکستانی طلباء اس میں شامل ہوں گے۔ ”بائیو ہیلتھ زراعت کے پھلنے پھولنے کے لیے مزید کاروباری اداروں کی شرکت کی بھی ضرورت ہے۔ مستقبل کو دیکھتے ہوئے ناہیدہ نے پاکستان کے مختلف علاقوں میں کسانوں اور زمینداروں کی بیداری بڑھانے کے لیے مزید ورکشاپس منعقد کرنے کی سفارش کی۔ اس کے علاوہ، چین کی جدید تکنیکوں جیسے کمپاؤنڈ پلانٹنگ، سمارٹ ایگریکلچر گین، گرین ہاؤس اور اچھی اقسام کو پاکستان میں لاگو کیا جانا چاہیے۔
