پشاور(اسٹاف رپورٹر)کراچی میں منعقدہ بین الصوبائی انڈر16ٹیبل ٹینس ٹورنامنٹ کیلئے خیبر پختونخواکھلاڑیوں کے ٹرائلزکا انعقادکیا گیا، صوبائی اسپورٹس ڈائریکٹریٹ کی ڈائریکٹریس رشیدہ غزنوی کی نگرانی منعقدہ ان ٹرائلزمیں بڑی تعدادمیں خواتین کھلاڑیوں نے حصہ لیا۔اس ایونٹ کیلیے کامیابی کے حصول کیلئے 16سال سے کم عمر کھلاڑیوں کی تربیت کیلیے ٹریننگ لگایا گیاجہاں پر صوبائی کوچزآمنہ خان اور انٹر نیشنل کھلاڑی کائنات ملک نے ٹریننگ دی ۔گزشتہ روز ہونیوالے خواتین ٹیبل ٹینس ٹرائلز کے دوران کھلاڑیوں کے مابین میچزہوئے،جو کھلاڑی بہتر پردکھائینگے انہیں صوبائی ٹیم میں سلیکٹ کیا جائیگا۔رشیدہ غزنوی نے کہاکہ خیبر پختونخواٹیم کیلئے حتمی کھلاڑیوں کے ناموں کا اعلان جلد کیاجائیگا۔
