ٹھٹھہ(نمائندہ جسارت)شیرازی خاندان کے سربراہ سابق صوبائی وزیر مرحوم سید اعجاز شاہ شیرازی کے ایثال ثواب کے لیے شیرازی ہاؤس میں الخادم کی طرف سے سیلانی گروپ کے تعاون سے آنکھوں کا مفت کیمپ کل تک لگارہے گا، جس میں کراچی کے ماہر ڈاکٹر آنکھوں کامعائنہ اور آپریشن کریں گے۔کیمپ کا افتتاح ایم پی اے ٹھٹھہ سید ریاض شاہ شیرازی نے کیا، میڈیا سے بات کرتے ہوئے انہوں نے کہا کہ خوشی کی بات ہے میرے بابا کے نام پر یہ کیمپ لگایا گیا ہے اس کیمپ سے سیکڑوں مریض فائدہ اُٹھائیں گے اور ناصرف ٹھٹھہ بلکہ سجاول کے آس پاس کے لوگوں کو بھی علاج کی سہولت میسر ہوگی ۔سیلانی گروپ کے مالک طارق لکھانی نے میڈیا سے بات کرتے ہوئے کہا کہ اس کیمپ کے بعد دوسرے اضلاع میں بھی اسی طرح کے کیمپ لگیں گے۔
