اسلام آباد (جسارت نیوز)21ویں ایشیائی انفرادی اسکواش چیمپئن شپ کے کوارٹر فائنل میچز میں پاکستان کے ناصر اقبال،ملائیشیئن کھلاڑی این جی این یو،ہانگ کانگ کے کھلاڑی لاو تسز کوان اوریپ تسز فنگ نے مردوں کے ایونٹ میں جبکہ خواتین کے ایونٹ میں ہانگ کانگ کی کھلاڑی لیو تسزلنگ،تونگ تسزونگ،ہوتز لوک اورملائیشیئن کھلاڑی رچل مائے آرنلڈ نے اپنے اپنے میچز میں کامیابی حاصل کرکے سیمی فائنل کیلئے کوالیفائی کرلیا۔ پاکستان ا سکواش فیڈریشن زیر اہتمام مصحف اسکواش کمپلیکس، اسلام آباد میں مردوں کے پہلے کوارٹر فائنل میں ملائیشیئن کھلاڑی این جی این یونے اپنے ہم وطن کھلاڑی محمد سفیق بن محمد کمال کو3-0(11-6، 11-3، 11-5) سے، دوسرے کوارٹر فائنل میں ہانگ کانگ کے کھلاڑی لاو تسز کوان نے پاکستانی کھلاڑی طیب اسلم کو ایک سخت مقابلے کے بعد3-2( 5-11، 9-11 ، 11-5، 11-3، 13-11 )سے،تیسرے کوارٹر فائنل میںہانگ کانگ کے ہی کھلاڑی یپ تسز فنگ نیملائیشیئن کھلاڑی یوئن چی ورن کو3-0( 11-7، 11-4، 11-5 )سے جبکہ چوتھے کوارٹر فائنل میں پاکستانی کھلاڑی ناصر اقبال نے ہانگ کانگ کے کھلاڑی لیونگ چی ہن کو3-1( 11-4, 11-9, 3-11, 11-7 )سے شکست دیکر سیمی فائنل کیلئے کوالیفائی کرلیا۔خواتین کے ایونٹ کے پہلے کوارٹر فائنل میں ہانگ کانگ کی کھلاڑی لیو تسزلنگ نے ملائیشیئن کھلاڑی نور اینا کو3-1( 11-9, 5-11, 12-10, 11-6) سے، دوسرے کوارٹر فائنل میں ہانگ کانگ کی ہی کھلاڑی تونگ تسزونگ نیملائیشیئن کھلاڑی آئفابنتی ازمان کو3-2( 11-5, 11 -9، 8-11، 4-11، 12-10 )سے ،تیسرے کوارٹر فائنل میں ہانگ کانگ کی کھلاڑی ہوتز لوک نے ملائیشیئن کھلاڑی چن یوین کو3-0( 11-5، 14-12، 11-9 ) سے جبکہ چوتھے کوارٹر فائنل میں ملائیشیئن کھلاڑی رچل مائے آرنلڈ نیہانگ کانگ کی کھلاڑی چن سن یوک کو بھی3-0(11-9, 11-7, 11-9)سے ہرا کر سیمی فائنل میں جگہ بنا لی۔
