چترال(جسارت نیوز) چترال کے علاقے چیونچ پولو گرائونڈ پر کام مکمل ہو چکا ہے تاہم ابھی تک کنٹریکٹرکو ادائیگی نہیں کی گئی جبکہ لوئر چترال کے علاقے سویر میں واقع پلے گرائونڈ پر50 فیصد کام مکمل ہو چکا ہے یہ بات مقامی حکام نے پراجیکٹ ڈائریکٹر کھیلوں کے ایک ہزار سہولیات منصوبے مراد علی مہمند کو بریفنگ میں بتائی جو ان دنوں پراجیکٹ کے تحت تعمیر ہونیوالے سکیموں کا جائزہ لینے کیلئے چترال کے دورے پر ہیں ان کے ہمراہ پراجیکٹ انجنیئرز بھی موجود ہے جو کام کے معیار کو چیک کرنے کیلئے گئے ہوئے ہیں۔
