کراچی(اسٹاف رپورٹر ) شہر میں حادثات واقعات کے دوران چینی باشندے، خاتون ،بچی اور نومولود سمیت13افراد جاںبحق ہوگئے دیگر واقعات کے دوران 6افراد زخمی ہوئے ۔ بلوچ کالونی تھانے کی حدود بلوچ کالونی فیلکن سوسائٹی کے قریب زیر تعمیر عمارت کی چھت گرنے سے 4 مزدور زخمی ہوگئے۔زخمیوںکواسپتال منتقل کردیا گیا۔ گارڈن تھانے کی حدود عثما ن آباد کی گلیوں میں موٹرسائیکل سوار ڈاکوؤں کی لوٹ مار واردات مین مزاحمت پر فائرنگ سے نوجوان سلمان جاں بحق ہوگیا علاقہ مکینوں کے مطابق تین ملزمان واردتیں کرتے ہوئے باآسانی فرارہوگئے۔
