چین کے صوبے جیانگشی میں طبی آلات بنانے والی ایک فیکٹری میں آتشزدگی کے نیتجے میں ہلاکتوں کی تعداد بڑھ کر 5ہو گئی ہے۔ چینی خبر رساں ادارے کے مطابق حکام نے بتایا ہے کہ یہ حادثہ صوبائی دارالحکومت نانچانگ میںجرمنی کی مالی اعانت سے چلنے والی ایک کمپنی میں پیش آیا جس میں ابتدائی طور پر3 افراد ہلاک ،1 شخص زخمی اور 2 افراد لاپتہ ہو گئے تھے تاہم اب لاپتہ ہونےو الے2 افراد کی موت کی تصدیق بھی ہوگئی ہے۔ پولیس کی جانب سے واقعہ سے متعلق مزید تفتیش جاری ہے۔
