ٹھٹھہ( نمائندہ. جسارت )مکلی بائی پاس پر نامعلوم افراد نے اسکوٹر سوار نیو کراچی کے رہائشی ایک شخص ملک محمد طاہر ولد محمد ادریس کو دن دہاڑے اندھا دھند فائرنگ کرکے ہلاک کردیا ۔لاش کو پولیس نے تحویل میں لیکر ایدھی ایمبولینس کے ذریعے سول اسپتال مکلی پہنچایا۔ پولیس کے مطابق قتل کوئی ذاتی دشمنی کاشاخسانہ لگتا ہے فائرنگ کرنے والوں نے مقتول سے کچھ لوٹا نہیں پولیس تحقیقات کررہی ہے لاش کو پولیس نے ضروری کارروائی کے بعد ورثا کے حوالے کردیا ۔اس واقعے کا کیس مکلی تھانے پر درج کردیا گیا ہے۔
