میرپورخاص(بیورو رپورٹ) کمپری ہینسیو گرائونڈ میں میرپورخاص سپر لیگ ٹیپ بال کرکٹ ٹورنامنٹ میں مزید 2 میچوں کے فیصلے ہوگئے لیگ کے پانچویں میچ میں ارباب الیون کی ٹیم نے شمشاد الیون کی ٹیم کو 43 رنز سے شکست دی، پہلے بیٹنگ کرتے ہوئے ارباب الیون نے مقررہ اوور میں 151 رنز بنائے ۔جواب میں شمشاد الیون کی ٹیم 108 رنز بنا پائی نور خان نے 28 اور طارق نے 26 رنز بنائے ۔ چھٹے میچ میں سنی الیون نے اکبر شہید کی ٹیم کو 8 وکٹوں سے ہرایا۔ پہلے کھیلتے ہوئے اکبر شہید کی ٹیم 140 رنز بناسکی عمیر مرزا نے 51،مبشر نے 34 رنز بنائے سنی الیون کے لالو نے 2 وکٹیں حاصل کیں جواب میں سنی الیون نے مطلوبہ ہدف 2 وکٹوں کے نقصان پر پورا کرلیا فرحان موسیٰ نے ناقابل شکست 79 رنز کی اننگ کھیلی ۔
