سیالکوٹ(صباح نیوز)سیالکوٹ پولیس نے پریانتھا کماراکیس کے مزید 9ملزمان کو گرفتارکرلیا۔ 9مزید ملزمان کی گرفتاری کے بعد کیس میں کل گرفتار ہونے والے ملزمان کی تعداد149تک پہنچ گئی ۔ گرفتار ملزمان نے مزید تفتیش جاری ہے۔پریانتھا کمارا کی ہجوم کے ہاتھوں ہلاکت اوربعد میں نعش کو جلائے جانے کے واقعے کو ایک ہفتے سے زاید کا وقت گزرچکا ہے۔واقعے کے بعد سے اب تک پولیس کے ملزمان کی گرفتاری کے لیے چھاپے اور تفتیش جاری ہے۔ 149گرفتارملزمان میں سے بتایا جارہا ہے کہ19کے قریب مرکزی ملزمان ہیں اور وڈیوز اورسی سی ٹی وی کیمروں کی مدد سے ان کو دیکھا گیا اوران19 گرفتار ملزمان کا واقعے میں مرکزی کردارہے۔ واضح رہے کہ واقعہ کی ایف آئی آر میں 800سے900افراد کو ملزم نامزدکیا گیا ہے جبکہ متعلقہ حکام نے کیس کاٹرائل جیل کے اندر ہی کرنے کا فیصلہ کیا ہے۔
