ٹھٹھہ، ڈمپر اور سوزوکی میں تصادم، ایک شخص ہلاک

ٹھٹھہ( نمائندہ جسارت)مکلی بائی پاس پر تیز رفتار ڈمپر اور سوزوکی میں تصادم کے نتیجے میں ایک شخص لونگ بروہی موقع پر جاں بحق ہو گیا،جبکہ زرینہ،علی مراد بروہی،شکیل بروہی، عازیہ،سبحان علی اور گلاب بروہی شدید زخمی ہوگئے ۔زخمیوں کو فوری سول اسپتال پہنچایا گیا ،جہاں خاتون زرینہ بروہی کی حالت تشویشناک بتائی جاتی ہے۔ پولیس نے ڈمپر تحویل میں لے کر ڈرائیور کو گرفتار کرلیا ہے۔ جاں بحق اور زخمیوں کا تعلق ایک ہی خاندان سے ہے اور سجاول شہر میرپور بھٹورو کے رہائشی ہیں۔