فیڈرل کپ قومی رینکنگ ٹینس ، عقیل خان، یوسف خلیل سیمی فائنل میں

اسلام آباد(جسارت نیوز)جی سیون 34ویں فیڈرل کپ نیشنل رینکنگ ٹینس چمپئن شپ میں عقیل خان، یوسف خلیل، محمد شعیب اور محمد عابد نے سیمی فائنل کے لیے کوالیفائی کر لیا۔ جمعرات کو پی ٹی ایف ٹینس کمپلیکس اسلام آباد میں مینز سنگلز کوارٹر فائنلز مقابلوں میں عقیل خان نے برکت اللہ کو 6-4 6-7(5) اور 6-4 سے ہرایا۔ یوسف خلیل نے ہیرا عاشق کو6-4، 6-7(3)اور6-3سے شکست دی ۔ محمد شعیب نے مدثر مرتضی کو 6-3 ،3-6اور 6-2 سے ہرایا جبکہ آخری میچ میں محمد عابد نے ہشیش کمار کو 6-2 اور6-2 سے شکست دے کر سیمی فائنل کے لیے کوالیفائی کر لیا۔ لیڈیز سنگلز کوارٹر فائنلز مقابلوں میں سارہ محبوب نے ہانیہ نوید کو 6-4 اور6-0 سے ہرایا۔دوسرے میچ میں عیسی جواد نے شیزا ساجد کو 3-6 ، 7-6(2)اور 6-4سے شکست دی۔