ن لیگ ووٹ کو عزت دینا بھی سیکھے، شازیہ مری

اسلام آباد (آن لائن) پیپلز پارٹی پارلیمنٹیرینز کی مرکزی سیکرٹری اطلاعات و ایم این اے شا زیہ مری نے کہا ہے کہ ووٹ کو عزت دو کا نعرہ لگانے والے ووٹروں کو عزت دینا بھی سیکھیں، پی ٹی آئی شکست کے خوف سے بھاگ گئی ، آئندہ الیکشن میں ووٹ کی جگہ بد دعائیں ملیں گی۔ اپنے بیان میں انہوں نے کہا ن لیگ کی طرف سے پیپلزپارٹی پر ووٹ خریدنے کا الزام لگانا خفت مٹانے کی کوشش ہے، انہوں نے کہا کہ آصف زرداری کی رہنمائی بلاول زرداری کی قیادت فتح عوام کی ہوگی۔ این اے 133 کے ضمنی انتخاب میں پیپلزپارٹی سیاسی اور اخلاقی برتری حاصل کر
چکی، پی ٹی آئی شکست کے خوف سے میدان چھوڑ کر بھاگ گئی آئندہ انتخابات میں پی ٹی آئی کو ووٹ نہیں بد دعائیں ملیں گی، شازیہ مری نے کہا کہ ہماری قیادت مشکل حالات کا مقابلہ کرتی ہے مشکلات سے ڈر کر ملک چھوڑ کر نہیں بھاگتی۔