تائیوان نے کہا ہے کہ چین ہماری فوج پر دباؤ بڑھا رہا ہےتاہم جواب کے لیے تیار ہیں۔
تائیوانی وزیردفاع چیو کیو چینگ نے کہا ہے کہ چینی فضائیہ ملکی فضائی حدود کے قریب اپنے مشنز کے ذریعے تائیوانی فوج پر دباؤ بڑھا رہی ہے لیکن تائیوان جواب دینے کی صلاحیت رکھتا ہے۔
غیر ملکی خبر رساں ادارے کے مطابق اپنے ایک بیان میں انہوں نے کہا چینی لڑاکا طیارے تائیوانی فضائی حدود میں داخل ہوئے، جس کے خلاف تائیوانی فضائیہ کو متحرک کیا گیا۔
ان کا کہناتھا کہ چین ان حربوں کے ذریعے یہ باور کروا رہا ہے کہ اس کے پاس طاقت ہے، تاہم تائیوانی فوج یہ بتا رہی ہے کہ وہ جوابی کارروائی کے لیے تیار ہے۔
