اسرائیلی وزیر دفاع بینی گینٹز نے اعلان کیا ہے کہ تل ابیب مستقبل میں عالمی طاقتوں اور تہران کے درمیان طے پانے والے کسی بھی معاہدے کی شرائط کو بہتر بنانے کی کوششوں کے ساتھ ساتھ ایران کے جوہری پروگرام پر فوجی حملہ کرنے کی صلاحیت کی تیاری پر بھی کام کررہا ہے۔
ایک اسرائیلی مقامی روزنامے کے مطابق وزیردفاع نے کہا کہ ہمیں ایران کے حوالے سے اپنے شراکت داروں پر اثر انداز ہونا ہے اور ان کے ساتھ مسلسل بات چیت کرنی ہے۔دریں اثنا
سعودی عرب اور برازیل نے ایران کو جوہری ہتھیاروں کے حصول سے روکنے پر اتفاق کیا ہے
سعودی عرب کے وزیر خارجہ شہزادہ فیصل بن فرحان نے اپنے برازیلی ہم منصب کارلوس البرٹو فرانسا کے ساتھ ملاقات میں ایران کے متنازع جوہری پروگرام اور تہران کی جانب سے جوہری ہتھیاروں کے حصول کی کوششوں کو ناکام بنانے پر تبادلہ خیال کیا۔
دونوں رہ نماؤں نے کہا کہ ان کی ملاقاتوں کا مقصد ایران کو جوہری ہتھیاروں کے حصول سے روکنے کی کوششوں کو آگے بڑھانا ہے۔ انہوں نے یمن بحران کے خاتمے اور جنگ کے شکار ملک میں جامع سیاسی حل تک پہنچنے کے لیے مملکت کے اقدام پر بھی تبادلہ خیال کیا۔
