کوئٹہ(نمائندہ جسارت)کوئٹہ میں گیس سلنڈر پھٹنے سے 6 بچے زخمی ہو گئے۔ واقعہ خیر محمد روڈ پر پیش آیا جہاں رات گئے گھر میں گیس سلنڈر کا دھماکا ہوا۔، دھماکے کے نتیجے میں نعمت اللہ ، قدرت اللہ ، مارفہ سمیت 6 بچے شدید زخمی ہو گئے۔ اطلاع ملتے ہی پولیس اور ریسکیو کی ٹیمیں موقع پرپہنچیں اور زخمیوں کو طبی امداد کے لیے بی ایم سی کے برنس سینٹر میں منتقل کیا گیا ہے۔زخمیوں کی حالت خطرے سے باہر بتائی جاتی ہے۔
