سکھر( نمائندہ جسارت)جماعت اسلامی ضلع سکھر کی ایک روزہ تربیت گاہ 12دسمبر2021ء بروز اتوار حرا پبلک اسکول ائر پورٹ روڈ سکھر میں منعقد ہوگی۔ امیر ضلع سکھر ایڈووکیٹ سلطان احمد لاشاری، قیم ضلع عبدالحلیم تنیو کے مطابق تربیت گاہ میںنائب امیر جماعت اسلامی پاکستان لیاقت بلوچ مہمان خصوصی ہوںگے، جبکہ امیر صوبہ سندھ، سابق رکن قومی اسمبلی محمد حسین محنتی،نائب امیر صوبہ حافظ نصراللہ عزیز چنا سمیت دیگر رہنما تربیت گاہ کے مختلف سیشنوں سے خطاب کریںگے۔ تربیت گاہ کے دوران درس قران و حدیث اور مختلف تنظیمی و تربیتی موضوعات پر تقاریر ہوںگی۔لیاقت بلوچ کا ملک کی سیاسی صورتحال پر اہم خطاب ہوگا۔ تربیت گاہ میں ضلع بھر کے کارکنان شرکت کریں گے۔
