کسٹمز حکام کی گوادر میں کارروائیوں ،بڑی مقدار میں منشیات برآمد

کو ئٹہ(نمائندہ جسارت)کسٹمز نے گوادر میں دو مختلف کارروائیوں کے دوران بھاری مقدار میں منشیات بر آمد کرلی ۔کسٹم حکام کے مطابق جیونی کے مقام پردو مختلف کارروائیوں کے دوران 300کلو گرام افیون اور15کلو گرام آئس کرسٹل برآمد کی گئی۔ کارروائی کے دوران منشیات اسمگلرز کی جانب سے کسٹم حکام پر فائرنگ کی گئی تاہم کوئی جانی نقصان نہیں ہوا، جبکہ کورکھیڑا کے مقام پر دوران چیکنگ گاڑی میں چھپایا گیا 300کلو گرام اعلی کوالٹی کاچرس برآمد کیا گیا۔ ترجمان کسٹم کے مطابق برآمد شدہ منشیات کی قیمت تقریباً 38 کروڑ روپے ہے ۔کسٹم نے منشیات برآمدگی کے مقدمات درج کر کے مزید تفتیش شروع کر دی۔