سکھر(نمائندہ جسارت)روہڑی کے قریب قومی شاہراہ پر تیز رفتار کار ڈرائیورسے بے قابو ہوکر اْلٹ کر کھائی میں جاگری کار میں سوار تین افراد شدید زخمی تشویشناک حالت میں روہڑی سے سکھر اسپتال منتقل تینوں زخمی پولیس اہلکار پنوعاقل کے رہائشی بتائے جاتے ہیں روہڑی سے پنوعاقل جارہے تھے کہ حادثہ رونماہوا، روہڑی کے قریب ٹول پلازہ کے مقام قومی شاہراہ پر تیز رفتار کار ڈرائیور سے بے قابوہوکر اْلٹ کرکھائی میں جاگری جسکے نتیجے میں عبدالمجید چاچڑ ، منظوراحمدچاچڑ اور رابیل چاچڑ شدید زخمی ہوگئے جنہیں تشویشناک حالت میں روہڑی سے سکھر اسپتال منتقل کردیا گیا۔ تینوں زخمی پولیس اہلکار اور آپس میں قریبی رشتے دار بتائے جاتے ہیں جو روہڑی سے اپنے گھر پنوعاقل جارہے تھے کہ حادثہ رونما ہوا۔
