حیدرآباد(اسٹاف رپورٹر)پبلک اسکول کے اساتذہ وملازمین نے مطالبات کے حق میں پریس کلب کے سامنے مظاہرہ کیا۔ اس موقع پر اشوک کمار، سراج ابڑو، سعید خان ، نوید بھٹی، غلام محمد ودیگر نے کہا ہے کہ ہم اپنے جائز حق کے لیے مسلسل سراپا احتجاج ہیں لیکن انتظامیہ مسلسل نظر انداز کر رہی ہے تنخواہیں روک کر ظلم کیاجارہاہے ۔انہوںنے کہاکہ آئی بی اے سکھر کو اسکول دے کر بیڑہ غرق کر دیا گیا ہے کروڑوں روپے کا نیا سامان خرید کرہاسٹل میں بھیج دیا۔ انہوں نے کہاکہ ہم اس عمل کی شدید مذمت کرتے ہیں۔ انہوںنے کہاکہ آئی بی اے سکھر بھرتیاں کرکے اپنا قبضہ مستحکم کرنا چاہتا ہے ۔
